အများပြည်သူများ အသုံးပြုသည့် မိုဘိုင်း နံပါတ်များနှင့်စပ်လျဉ်း၍ အသိပေးကြေညာခြင်း

၁။ အများပြည်သူများအနေဖြင့် SIM Cards များ အသုံးပြုရာတွင် ဆက်သွယ်ရေးညွှန်ကြားမှုဦးစီးဌာန၏ SIM Card မှတ်ပုံတင်ခြင်းဆိုင်ရာ ညွှန်ကြားချက်နှင့်အညီ မိမိတို့ဝယ်ယူသည့်ဆိုင်၌ ဦးစွာပထမ SIM Card မှတ်ပုံတင်ခြင်းအား ဆောင်ရွက်ရမည်ဖြစ်ပါသည်။

၂။ မှတ်ပုံတင်ပြီးဖြစ်သော SIM Card အား ဝယ်ယူသည့်နေ့မှစတင်၍ ဖုန်းခေါ်ဆိုခြင်း (သို့) စာတိုပေးပို့ခြင်း (သို့) ငွေဖြည့်ခြင်းစသည့် နည်းလမ်းတစ်ခုခုအား ဝယ်ယူသည့်နေ့မှ ရက်ပေါင်း (၁၈၀) အတွင်း ပြုလုပ်ပါက SIM Card အား စတင်အသုံးပြုနိုင်မည်ဖြစ်ပြီး ထိုသို့ပြုလုပ်ခြင်း မရှိ ပါက SIM Card အား အသုံးပြု၍ မရနိုင်ပါ။ ရက်ပေါင်း ( ၁၈၀ ) အတွင်း အသုံးပြုခြင်း မရှိသည့် နံပါတ်များကို အော်ပရေတာများက သုံးစွဲသူအသစ်သို့ သတ်မှတ်ချထားပေးနိုင်မည်ဖြစ်ပါသည်။

၃။ အသုံးပြုမှုရရှိပြီးဖြစ်သည့် SIM Card အား ရက်ပေါင်း( ၆၀ )အတွင်း ငွေဖြည့်ပါက SIM Card အား ဆက်လက်အသုံးပြုနိုင်မည်ဖြစ်ပြီး ငွေဖြည့်သွင်းခြင်းမပြုလုပ်ပါက ဖုန်းအဝင် Call သာ လက်ခံရရှိမည်ဖြစ်ကာ အထွက် Call ခေါ်ဆိုမှု အပါအဝင် စာတိုပေးပို့ခြင်း၊ အင်တာနက် သုံးစွဲခြင်းနှင့် အခြားသောဝန်ဆောင်မှုများအား အသုံးပြု၍ မရနိုင်ဘဲ ဖုန်းအဝင်လက်ခံမှုနှင့် SMS လက်ခံမှုတို့ကိုသာ ဆောင်ရွက်နိုင်ပါမည်။ (One Way Block အဆင့်ဖြစ်ပါသည်။)

၄။ ငွေဖြည့်သွင်းထားသည့် SIM Card များသည် တစ်နှစ်အထိ သက်တမ်းရှိနေမည်ဖြစ်ပြီး တစ်နှစ်အတွင်း မည်သည့် လုပ်ဆောင်ချက်မျိုးမှ မလုပ်ဆောင်ပါက One Way Block အဆင့်သို့ ရောက်ရှိသွားမည်ဖြစ်ပါသည်။

၅။ One Way Block အဆင့်သို့ရောက်ရှိသည့် SIM Card အား ဆက်လက် အသုံးပြုလိုပါက ရက်ပေါင်း (၃၀) အတွင်း ငွေဖြည့်သွင်းရမည်ဖြစ်ပြီး ငွေဖြည့်သွင်းခြင်း မပြုလုပ်ပါက ဖုန်းခေါ် ဆိုခြင်း ၊ SMS လက်ခံခြင်းနှင့်ပေးပို့ခြင်း အပါအဝင် အင်တာနက်သုံးစွဲခြင်းနှင့် အခြားသော ဝန်ဆောင်မှုများအား အသုံးပြု၍ မရနိုင်ပါ။ (Two Way Block အဆင့်ဖြစ်ပါသည်။)

၆။ Two Way Block အဆင့်သို့ရောက်ရှိသည့် SIM Card အား ဆက်လက်အသုံးပြုလိုပါက ရက်ပေါင်း ( ၆၀ ) အတွင်း ငွေဖြည့်သွင်းရမည်ဖြစ်ပြီး ငွေဖြည့်သွင်းခြင်း မပြုလုပ်ပါက SIM Card အား ဆက်လက်အသုံးပြု၍ မရနိုင်သည့် အခြေအနေသို့ ရောက်ရှိသွားမည်ဖြစ်ပါသည်။

၇။ ငွေဖြည့်သွင်းခြင်းမရှိသော Two Way Block အဆင့်သို့ရောက်ရှိနေသည့် SIM Card များမှာ ထပ်မံ၍ ရက်ပေါင်း ( ၆၀ ) ကျော်ပါက မိုဘိုင်းအော်ပရေတာများမှ ၎င်း SIM နံပါတ်များအား အခြားသုံးစွဲသူတစ်ဦးသို့ ပြန်လည်သတ်မှတ်ပေးသွားမည်ဖြစ်ပါသည်။

SIM Life Cycle အပြည့်အစုံကို အောက်ပါ Link တွင် Download ရယူနိုင်ပါကြောင်း ဖော်ပြအပ်ပါသည်။

ဖတ်ရန် သိမ်းဆည်းရန်

Posted by ptd

Posted on January 9, 2020


Weather
NAYPYITAW WEATHER