Universal Service Fund ဖြင့် ဆောင်ရွက်မည့် Phase II နှင့် Phase III တင်ဒါတင်သွင်း မည့်အချိန် ပြင်ဆင်သတ်မှတ်ခြင်း
Universal Service Fund ဖြင့် ဆောင်ရွက်မည့် မြို့နယ်/မြို့ (၃၂)ခုအတွက် Phase (၃)ခုခွဲ၍ (၁၅-၇-၂၀၂၀)ရက်နေ့တွင် ဆက်သွယ်ရေးညွှန်ကြားမှုဦးစီးဌာနက အော်ပရေတာ(၄)ဦးကို တင်ဒါခေါ်ယူခဲ့ပါသည်။ ကမ္ဘာ့ကပ်ရောဂါဖြစ်သော COVID-19 ကာလအတွင်း USF Project Phase II နှင့် Phase III တို့ကို တင်ဒါတင်သွင်းရန်မှာ အခက်အခဲဖြစ်ပေါ်လျက်ရှိသောကြောင့် တင်ဒါတင်သွင်းရမည့် အချိန်ကာလကို ပြင်ဆင်သတ်မှတ်ပေးပါရန် အော်ပရေတာများမှ တင်ပြလာခဲ့ကြပါသည်။
COVID-19 ကပ်ရောဂါ ကူးစက်ပြန့်ပွားနေစဉ်ကာလအတွင်း site survey ကဲ့သို့ မြေပြင်ကွင်းဆင်း ဆောင်ရွက်ခြင်းလုပ်ငန်းများ ဆောင်ရွက်နိုင်ရေးအတွက် အချိန်ကာလ ထပ်မံတိုးမြှင့်ရန် လိုအပ် သည်ဟု ဦးစီးဌာနက သုံးသပ်ပါသောကြောင့် Phase II တင်သွင်းရမည့်ရက်ကို (၉-၃-၂၀၂၁) ရက်နေ့သို့လည်းကောင်း၊ Phase III တင်ဒါတင်သွင်းရမည့်ရက်ကို (၂၇-၅-၂၀၂၁) ရက်နေ့သို့ လည်းကောင်း ပြင်ဆင်သတ်မှတ်လိုက်ကြောင်း (၃၀-၁၂-၂၀၂၀)ရက်နေ့တွင် အော်ပရေတာ (၄)ဦးကို အကြောင်းကြားခဲ့ပြီး ဖြစ်ပါသည်။
သို့ဖြစ်ပါ၍ USF Project Phase II နှင့် Phase III တင်ဒါတင်သွင်းရမည့်ရက် ပြင်ဆင်သတ်မှတ် ခြင်းကို အများပြည်သူသိရှိနိုင်ရန် အသိပေးကြေညာအပ်ပါသည်။
ဖတ်ရန်
သိမ်းဆည်းရန်
Posted by
ptd
Posted on
January 5, 2021